Euzkadi Buru Batzarrak aho batez onartu du, gaurkoan EBBk ospatu duen bileran, alderdikide jeltzaleei helaraziko zaien proposamenean, Iñigo Urkullu Renteria, EBBren oraingo Presidentea izatea EAJ-PNVk Eusko Jaurlaritzaren Lehendakarirako aurkeztuko duen hautagaia.
EAJ-PNVren herrialde buru batzarretako presidenteek (Andoni Ortuzar,Joseba Egibar,Xabier Agirre, Manu Aierdi eta Txaro Goikolea), Pilar García de Salazar EBBren Idazkariak etaJoseba Aurrekoetxeaburukideak osatu duten Batzordea izan da, aldi berean, Euzkadi Buru Batzarrerako hautagaia aho batez proposatu duena.
Lehendakarirako hautagaia eta Eusko Legebiltzarkidegaiak aukeratzeko aukeraketa prozesua hurrengo egunotan hasiko da, eta uztailaren 5ean amaituko da, EAJ-PNVren Aberri Batzar osoa bilduko den egunean.
